د ارزښتمند میراث په توګه د اوټاوا جومات د ثتبیدا وړاندیز
ایکنانیوز د سي بي سي په حواله راپور راکوي، د کینیډا د اوټاوا ښار شورا د وړاندیز له مخې، د اوټاوا جومات د معماري او کلتوري ارزښت په دلیل به ډیر زر د انټاریو د میراث قانون له مخې په رسمي توګه د تاریخي ودانۍ په توګه وپیژندل شي.
د اوټاوا جومات، چې د ۲۵۱ نارت وسټرن واټ په کوڅې کې موقعیت لري، د ۱۹۷۳ او ۱۹۷۹ کلونو ترمینځ په مودې کې جوړ شوی او په دې ولایت کې یو لومړنی هدفي جومات دی.
سي ټي وي نیوز د جمعې په ورځ راپور ورکړ چې دا مرکز، چې د اوټاوا د مسلمانانو ټولنې لخوا اداره کیږي، یوه کتابتون، تعلیمي پروګرامونه او ټولنیز خدمتونه لري چې د ځاي مسلمانې ټولنې خدمت کوي.
د اوټاوا د میراث کمېټې لپاره په چمتو شوي راپور کې، د ښار کارکوونکو یادونه کړې چې دا جومات د تاریخي میراث په توګه د ثبت لپاره د اړتیا وړ نهو معیارونو څخه پنځه پوره کوي. دوی دا ودانۍ د «یوې عصري عبادتځای د یوې بې ساري او نادرې بیلګې» په توګه یاده کړې او په ښار کې ئې د یوازیني عصري جومات په توګه پر ارزښت ټینګار کړی.
د ښار شورا اعلان کړی:چې دا ودانۍ د ساده بڼې او د اوسمهاله وادانیو د موادو په کارولو سره د عصري سټایل استازیتوب کوي. له بلې خوا،د ۲۵۱ نارټ وسترن واټ ودانۍ د یو او سمهاله جومات د یوې غوره بیلګې په توګه، د اسلامي دودیزو معماري ځانګړتیاوو لکه ګنبد، منارې او مربع پلان لرونکي لمانځه خونې سره، د معماري ارزښت لري.
د دغه راپور له مخې،دا جومات د خپل معماري سټایل، د اوټاوا د مسلمانې ټولنې سره د اړیکې او د ښاري جوړښت په پراخه چوکاټ کې د هغې د رول له امله ارزښتناک دی.دا جومات د ښار د څو کلتوري او مذهبي لرلید کې د یوې تاریخي ودانۍ په توګه په پام کې نیول کیږي.
د ښار چارواکو په ۲۰۲۳ کال په نومبر میاشت کې د اوټاوا د مسلمانو ټولنې له استازو سره وکتل څو د دې احتمالي ثبت په اړه خبرې وکړي. دا موضوع به د سه شنبې په ورځ د میراث جوړې شوي کمېټې لخوا وڅیړل شي، کله چې تمه کیږي د رسمي اعلامیې د صادرولو په اړه رایه واخیستل شي.
https://iqna.ir/fa/news/4281698
